Yfirlit – mikilvægar upplýsingar fyrir þig
(A) Hver erum við: Þessu vefsvæði er stýrt af Simba Sleep Limited (fyrirtæki skráð í Englandi og Wales (fyrirtækjanúmer 09703422), með skráðar skrifstofur við Mezzanine Southside Building, 105 Victoria Street, London, Bretlandi, SW1E 6QT).
Allar tilvísanir í „Simba“, „okkar“, „okkur“ eða „við“ í þessari stefnu teljast vísa annað hvort í Simba Sleep Limited, eða aðildarfyrirtæki okkar og birgja sem veita okkur þjónustu, eftir því sem við á.
Þessi persónuverndarstefna á við um þau vefsvæði okkar sem hún er birt á.
(B) Gildi okkar og til hvers þessi stefna er ætluð: Við metum persónuvernd þína mikils og viljum vera ábyrg og sanngjörn gagnvart þér og einnig gagnsæ við þig varðandi það hvernig við söfnum og notum persónuupplýsingar þínar. Við viljum einnig að þú þekkir réttindi þín í tengslum við upplýsingar þínar, en þau getur þú fundið hér.
Þessi persónuverndarstefna segir þér, í samræmi við þessi gildi, hvers skal vænta þegar við söfnum og notum persónuupplýsingar um þig. Við höfum reynt að auðvelda þér að vafra hér um þannig að þú getir fundið upplýsingarnar sem eiga erindi við þig og varða samskipti okkar í milli.
Við leitum ávallt leiða til að bæta þær upplýsingar sem við veitum viðskiptavinum okkar og tengiliðum þannig að ef þú hefur einhverjar skoðanir á þessari persónuverndarstefnu, vinsamlegast láttu okkur vita með því að nota samskiptaupplýsingarnar í .
(C) Um hverja gildir þessi persónuverndarstefna: Þessi stefna gildir um:
Við söfnum og notum upplýsingar þínar á mismunandi vegu, allt eftir því hver tengsl okkar eru. Vinsamlegast smelltu á tenglana að ofan til að sjá upplýsingarnar sem við söfnum um þig og hvernig við notum þessar upplýsingar.
(D) Hvað þessi stefna hefur að geyma: Þessi persónuverndarstefna lýsir eftirtöldum mikilvægum atriðum sem tengjast upplýsingum þínum (þú getur smellt á tenglana til að fá að vita meira):
(E) Réttur þinn til að mótmæla: Þú hefur ýmis réttindi þegar það kemur að notkun persónuupplýsinga þinna eins og tilgreint er í hluta 6. Tvenn grundvallarréttindi sem mikilvægt er að vita um, er að þú getur:
Frekari upplýsingar er að finna í hluta 6 .
(F) Það sem þú þarft að gera og staðfesting þín til okkar: Vinsamlegast lestu þessa persónuverndarstefnu vandlega svo þú skiljir hvernig við meðhöndlum persónuupplýsingar þínar. Með því að tengjast okkur á þann hátt sem tilgreint er í þessari persónuverndarstefnu, staðfestir þú að þú hefur lesið og skilið þessa persónuverndarstefnu í heild sinni, eins og hún á við um þig.
Lýsingin - helstu upplýsingarnar sem þú ættir að vita um
1.1. Þú gætir afhent okkur persónuupplýsingar þínar af fúsum og frjálsum vilja. Hins vegar getum við líka fengið upplýsingar um þig frá þriðja aðila, eins og frá birgjum og opinberum vefsvæðum, sem við köllum „veitur þriðja aðila“ eða „birgja“ í þessari stefnu.
1.2. Þú gætir afhent okkur persónuupplýsingar um þig með því að nota formin á netinu sem er að finna á vefsvæði okkar, við að fylla út pantanaform eða með því að hafa samband við okkur símleiðis, með tölvupósti eða eftir öðrum leiðum. Þá er til dæmis átt við þegar þú tekur þátt í keppni eða kynningu á vefsvæði okkar og þegar þú tilkynnir um vandamál á vefsvæði okkar. Ef þú hefur samband við okkur, gætum við haldið skrár um þau samskipti. Við gætum einnig beðið þig um að taka þátt í könnunum sem við notum í rannsóknarskyni, þó þú þurfir ekki að svara slíkum könnunum.
Vinsamlegast farðu í hlutann eða hlutana að neðan sem lýsa best tengslum okkar við þig til að komast að því hvers konar upplýsingum við söfnum um þig og hvernig við notum þessar upplýsingar. Í þessari stefnu köllum við þetta „persónuupplýsingar“.
2.1. Gestir á vefsvæði okkar
(a) Hvaða persónuupplýsingum við söfnum um þig
Við, eða þriðju aðilar fyrir okkar hönd, söfnum og notum eftirfarandi upplýsingar um þig þegar þú heimsækir síðu okkar og stofnar pöntun en lýkur ekki við greiðsluferlið:
(i) nafn þitt,
(ii) póstfang þitt,
(iii) netfang þitt,
(iv) símanúmer þitt,
(v) upplýsingar sem okkur eru afhentar þegar þú hefur samskipti við okkur,
(vi) allar uppfærslur á upplýsingum sem afhentar eru okkur,
(vii) persónuupplýsingar sem við söfnum um þig eða við gætum fengið frá veitum þriðju aðila,
(viii) eftirfarandi upplýsingar eru stofnaðar og skráðar sjálfkrafa þegar þú heimsækir vefsvæði okkar, stofnar pöntun en ferð úr innkaupakörfu þinni:
(A) Tæknilegar upplýsingar. Þar á meðal eru: IP-tala þín sem notuð er til að tengja tölvu þína við veffangið, það veffang og land sem þú sækir upplýsingar frá, umbeðnar skrár, tegund vafra og útgáfa, tegund vafraviðbóta og útgáfur, stýrikerfi, verkvangur, og
(B) Upplýsingar um heimsókn þína og hegðun á vefsvæði okkar (til dæmis síðurnar sem þú smellir á). Þetta geta verið þau vefsvæði sem þú heimsækir fyrir og eftir að þú heimsóttir okkar vefsvæði (þar á meðal dagsetning og tími), tími og lengd heimsókna á ákveðnar síður, síðusamskiptaupplýsingar (eins og skrun, smellir og músavok), aðferðir sem notaðar eru til að vafra frá síðunni, umferðargögn, staðsetningarupplýsingar, vefblogg og önnur samskiptagögn og upplýsingar sem veittar eru þegar beðið er um frekari þjónustu eða niðurhal.
(b) Hvernig við notum persónuupplýsingar þínar
Við munum safna, nota og geyma persónuupplýsingarnar sem tilgreindar eru að ofan af eftirtöldum ástæðum:
(i) til að gera þér kleift að hafa aðgang að og nota vefsvæði okkar,
(ii) til að fá fyrirspurnir frá þér í gegnum vefsvæðið um vörur okkar og þjónustu,
(iii) til að aðstoða þig við að fylla út pöntun í gegnum vefsvæðið,
(iv) til að endurbæta og viðhalda vefsvæði okkar og til að veita þér tæknilega þjónustu fyrir vefsvæði okkar,
(v) til að tryggja öryggi vefsvæðis okkar,
(vi) til að þekkja þig þegar þú snýrð aftur á vefsvæði okkar, til að geyma upplýsingar um dálæti þín og til að gera okkur kleift að sérsníða vefsvæðið eftir áhugasviðum þínum, og
(vii) til að meta heimsókn þína á vefsvæðið og útbúa skýrslur eða setja saman talnagögn til að skilja hvers konar fólk notar vefsvæði okkar, hvernig það notar það og til að gæða vefsvæði okkar meira innsæi. Slíkar upplýsingar verða gerðar nafnlausar að því marki sem mögulegt er og ekki verður hægt að þekkja þig frá þeim upplýsingum sem safnað er.
Vinsamlegast sjáðu hlutana 2.7 og 2.8 til að fá frekari upplýsingar um hvernig við notum persónuupplýsingar þínar.
(c) Nokkur orð um vafrakökur
(i) Sumar síður á vefsvæði okkar nota vafrakökur sem eru litlar skrár sem settar eru í netvafra þinn þegar þú heimsækir vefsvæði okkar. Við notum vafrakökur svo við getum boðið þér sérsniðna upplifun í framtíðinni, með því að skilja og muna eftir þínu tiltekna vafradálæti.
(ii) Þú getur alltaf lokað fyrir vafrakökur þar sem við notum þær á vefsvæði okkar. Til að gera það getur þú virkjað stillingu í vafra þínum sem gerir þér kleift að hafna stillingu allra eða sumra vefkaka. Ef þú hafnar hins vegar öllum vafrakökum (þar á meðal nauðsynlegum vafrakökum) kann að vera að þú komist ekki í alla hluta vefsvæðis okkar eða getir ekki notað alla virkni sem er í boði á vefsvæði okkar.
(iii) Til að fá meiri upplýsingar um þær vafrakökur sem við notum og í hvaða tilgangi við notum þær, vinsamlegast sjáðu stefnu okkar um vafrakökur hér [TENGILL].
2.2. Viðskiptavinir
(a) Hvaða persónuupplýsingum við söfnum um þig
Við eða þriðju aðilar fyrir okkar hönd, safna og nota eftirfarandi persónuupplýsingar um þig:
(i) nafn þitt,
(ii) póstfang þitt,
(iii) netfang þitt,
(iv) símanúmer þitt,
(v) aldur þinn,
(vi) kyn þitt,
(vii) nafn maka eða sambýlisaðila,
(viii) auðkenningarskjöl eins og bankayfirlit eða afrit af ökuskírteinum,
(ix) upplýsingar sem afhentar eru þegar þú hefur samskipti við okkur, þar á meðal þegar símtöl eru hljóðrituð,
(x) allar uppfærslur á upplýsingum sem afhentar eru okkur,
(xi) upplýsingar um alla tengda þjónustu sem við veitum þér,
(A) upplýsingar sem eru nauðsynlegar svo við getum veitt þér þjónustu (þar á meðal upplýsingar um meðfylgjandi form, pantanaupplýsingar, pantanasögu og greiðsluupplýsingar),
(B) upplýsingar fyrir þjónustuver, og
(C) upplýsingar um viðskiptasamband og markaðsupplýsingar, og
(xii) upplýsingar sem þú veitir okkur til að hjálpa okkur að veita þér betri vörur eða þjónustu, til dæmis ef við biðjum þig að fylla út könnun eða spurningalista.
(b) Hvernig við notum persónuupplýsingar þínar
Við munum safna, nota og geyma persónuupplýsingarnar sem tilgreindar eru að ofan af eftirtöldum ástæðum:
(i) til að vinna úr pöntunum, afhenda vörur og veita tengda þjónustu, þar á meðal vöruskil og viðskiptaþjónustu,
(ii) til að fást við allar fyrirspurnir eða vandamál sem koma upp varðandi vörur okkar og tengda þjónustu,
(iii) til að senda þér ákveðin samskipti (þar á meðal póst eða tölvupóst) um vörur okkar og tengda þjónustu, eins og þjónustutilkynningar og stjórnsýsluleg skilaboð (til dæmis tilkynningu um breytingar á skilmálum og skilyrðum og halda þér upplýstum/upplýstri um gjöld og þóknanir),
(iv) til að framkvæma tölfræðigreiningu og markaðsrannsóknir á fólki sem gæti haft áhuga á vörum okkar og tengdri þjónustu, og
(v) ef þú hefur samþykkt, eða það er á annan hátt samkvæmt okkar lögmætu hagsmunum, fyrir viðskiptaþróun og markaðssetningu, að hafa samband við þig (þar á meðal með pósti eða tölvupósti) með upplýsingar um vörur okkar og tengda þjónustu sem þú annað hvort biður um eða við teljum að þú gætir haft áhuga á (þar á meðal fréttabréf).
Vinsamlegast sjáðu hlutana 2.7 og 2.8 til að fá frekari upplýsingar um hvernig við notum persónuupplýsingar þínar.
(c) Veitur persónuupplýsinga. Við gætum fengið eitthvað af persónuupplýsingum þínum frá þriðju aðilum, eins og fjölskyldumeðlimum eða birgjum.
(d) Upplýsingar sem við þurfum til að veita þér þjónustu. Við þurfum ákveðnar tegundir persónuupplýsinga til að við getum uppfyllt pantanir og staðið við samningsbundnar og aðrar lagalegar skyldur sem við höfum gagnvart þér, þar á meðal að staðfesta og vinna með kaup. Veitir þú okkur ekki slíkar persónuupplýsingar, eða biður okkur um að eyða þeim, kann að vera að þú getir ekki lengur keypt vörur eða notað tengda þjónustu.
(e) Notkun okkar á fjölskylduupplýsingum þínum. Við gætum einnig unnið með persónuupplýsingar um fjölskyldumeðlimi þína ef þeir hafa samband við okkur varðandi pöntun. Við munum aðeins vinna með persónuupplýsingar fjölskyldu þinnar í þessum tiltekna tilgangi eða í öðrum tilgangi sem sérstaklega er leyfður samkvæmt lögum.
(f) Þátttakendur í svefnrannsóknum. Við munum vinna með þær persónuupplýsingar sem þú afhendir okkur, kjósir þú að taka þátt í svefnrannsókn. Sumar af persónuupplýsingunum sem við söfnum um þig eða sem þú afhendir okkur í svefnrannsókninni geta verið sérstakir flokkar gagna. Í sérstökum flokkum gagna felast upplýsingar um líkamlega heilsu.
2.3. Fólk sem sendir markaðssamskipti á
(a) Við eða þriðju aðilar fyrir okkar hönd, safna og nota eftirfarandi persónuupplýsingar um þig:
(i) nafn þitt,
(ii) póstfang þitt,
(iii) netfang þitt,
(iv) símanúmer þitt, og
(v) upplýsingar um dálæti þitt.
(b) Hvernig við notum persónuupplýsingar þínar
Við munum safna, nota og geyma þær persónuupplýsingar sem útlistaðar eru að ofan, ef þú hefur samþykkt, eða það er á annan hátt samkvæmt okkar lögmætu hagsmunum, fyrir viðskiptaþróun og markaðssetningu, að hafa samband við þig (þar á meðal með pósti eða tölvupósti) með upplýsingar um vörur okkar og þjónustu sem þú annaðhvort biður um eða við teljum að þú gætir haft áhuga á (þar á meðal fréttabréf).
Við gætum einnig deilt gögnum þínum með samfélagsmiðlum eða öðrum svipuðum verkvangi, þannig að þú getir séð viðeigandi efni á þeim verkvangi. Til dæmis gætum við notað Facebook Custom Audiences-þjónustuna og deilt netfangi þínu á vörðu sniði með Facebook þannig að við getum: haft þig með í sérsniðnum hóp sem við sendum viðeigandi auglýsingaefni á Facebook, eða stofnum hóp annarra Facebook-notenda á grundvelli upplýsinga í Facebook-prófíl þínum. Þú getur sagt þig úr Facebook Custom Audiences með því að senda okkur tölvupóst á hello@simbasleep.com.
Vinsamlegast sjáðu hlutana 2.7 og 2.8 til að fá frekari upplýsingar um hvernig við notum persónuupplýsingar þínar.
(c) Veitur persónuupplýsinga. Við gætum fengið eitthvað af persónuupplýsingum þínum frá þriðju aðilum, eins og markaðsstofum og verkvöngum þriðju aðila sem senda tölvupósta í markaðsskyni.
2.4. Fólk sem hefur samband við okkur með fyrirspurnir
(a) Við eða þriðju aðilar fyrir okkar hönd, gætum safnað og notað eitthvað af eftirfarandi persónuupplýsingum um þig:
(i) nafn þitt,
(ii) póstfang þitt,
(iii) netfang þitt,
(iv) símanúmer þitt,
(v) persónuupplýsingar sem við söfnum um þig frá veitum þriðju aðila eins og Facebook,
(vi) upplýsingar sem okkur eru afhentar þegar þú hefur samskipti við okkur, og
(vii) allar uppfærslur á upplýsingum sem afhentar eru okkur.
(b) Hvernig við notum persónuupplýsingar þínar
Við munum safna, nota og geyma þær persónuupplýsingar sem útlistaðar eru að ofan, til að fást við allar fyrirspurnir eða vandamál sem þú gætir átt í og lúta að vörum okkar og tengdri þjónustu eða fyrirtæki okkar, þar á meðal allar spurningar sem þú gætir haft varðandi það hvernig við söfnum, geymum og notum persónuupplýsingar þínar, eða allar beiðnir frá þér um afrit af upplýsingunum um þig sem við höfum undir höndum. Ef við höfum ekki samning við þig, gætum við unnið með persónuupplýsingar þínar í þeim tilgangi, þar sem það er samkvæmt okkar lögmætu hagsmunum vegna viðskiptaþjónustu.
(c) Sérstakir flokkar gagna. Sumar af persónuupplýsingunum sem þú afhendir okkur þegar þú sendir fyrirspurnir varðandi vörur okkar og þjónustu geta verið sérstakir flokkar gagna. Í sérstökum flokkum gagna felast upplýsingar um líkamlega og andlega heilsu, ásamt lífkennaupplýsingum.
Vinsamlegast sjáðu hlutana 2.7 og 2.8 til að fá frekari upplýsingar um hvernig við notum persónuupplýsingar þínar.
2.5. Hver sem tengsl okkar eru við þig, gætum við einnig safnað, notað og geymt persónuupplýsingar þínar af eftirtöldum ástæðum:
(a) til að fást við allar fyrirspurnir eða vandamál varðandi hvernig við söfnum, geymum og notum persónuupplýsingar þínar, eða allar beiðnir þínar um afrit af upplýsingunum um þig sem við höfum undir höndum. Ef við höfum ekki samning við þig, gætum við unnið með persónuupplýsingar þínar í þeim tilgangi, þar sem það er samkvæmt okkar lögmætu hagsmunum vegna viðskiptaþjónustu,
(b) við innri fyrirtækjaskýrslugerð, fyrirtækjastjórnun, að tryggja viðunandi tryggingar fyrir fyrirtæki okkar, tryggja öryggi aðstöðu fyrirtækisins, rannsóknir og þróun og til að skilgreina og útfæra rekstrartengda skilvirkni. Við gætum unnið með persónuupplýsingar þínar í þeim tilgangi, þar sem það er samkvæmt okkar lögmætu hagsmunum að gera slíkt,
(c) að hlíta öllum ferlum, lögum og reglugerðum sem gilda um okkur - þar á meðal þegar við á sanngjarnan hátt teljum það vera okkar lögmætu hagsmuni eða lögmæta hagsmuni annarra að hlíta, sem og þegar við teljum okkur vera það lagalega skylt, og
(d) að stofnsetja, beita eða verja lagaleg réttindi okkar - þar á meðal þegar við á sanngjarnan hátt teljum það vera okkar lögmætu hagsmuni eða lögmæta hagsmuni annarra að hlíta, sem og þegar við teljum okkur vera það lagalega skylt.
2.6. Frekari úrvinnsla
Við munum ekki nota persónuupplýsingar þínar á neinn hátt sem ekki samræmist þeim tilgangi sem tilgreint er í þessum hluta 2. Vinsamlegast hafðu samband við okkur með upplýsingunum í hluta 12 ef þú vilt fá meiri upplýsingar um greininguna sem við framkvæmum til að skera úr um hvort ný notkun á persónuupplýsingum þínum samræmist þessum tilgangi.
3.1. Við teljum að lagalegur grunnur fyrir notkun á persónuupplýsingum þínum, eins og tilgreint er í þessari persónuverndarstefnu, sé sem hér segir:
(a) notkun okkar á persónuupplýsingum þínum er nauðsynleg svo við getum uppfyllt skyldur okkar samkvæmt nokkrum samningi við þig (til dæmis að uppfylla pöntun sem þú gerir hjá okkur, að uppfylla notkunarskilmála vefsvæðis okkar sem þú samþykkir með því að vafra um vefsvæði okkar og/eða uppfylla samning okkar til að veita þér þjónustu), eða
(b) notkun okkar á persónuupplýsingum þínum er nauðsynleg svo við getum uppfyllt lagalegar skyldur (til dæmis varðandi vöruöryggi), eða
(c) þegar notkun á persónuupplýsingum er nauðsynleg fyrir lögmæta hagsmuni okkar eða lögmæta hagsmuni annarra (til dæmis til að tryggja aðgengi og öryggi rafræns verslunarverkvangs okkar). Lögmætir hagsmunir okkar eru:
(i) að tryggja að viðskiptavinir okkar og mögulegir viðskiptavinir geti lokið við pantanir í gegnum vefsvæði okkar, og
(ii) að nálgast, hafa samband og velja mikilvæga samstarfsaðila og birgja sem hafa viðeigandi fagmennsku og gæði.
Við höfum einnig lögmæta hagsmuni til að:
(i) reka, stækka og þróa rekstur okkar,
(ii) framkvæma markaðssetningu, markaðsrannsóknir og viðskiptaþróun,
(iii) veita viðskiptavinum okkar vörur og tengda þjónustu, framkvæma og taka við greiðslum og veita viðskiptaþjónustu,
(iv) gera, fylgjast með og uppfylla pantanir hjá birgjum okkar, og
(v) sinna innri stjórnun aðildarfyrirtækja okkar.
Ef við reiðum okkur á okkar lögmætu hagsmuni (eða annars einstaklings) við að nota persónuupplýsingar munum við framkvæma matspróf til að ganga úr skugga um að lögmætir hagsmunir okkar (eða annars einstaklings) vegi þyngra en hagsmunir þínir eða grundvallarréttindi og frelsi sem krefjast verndar persónuupplýsinga. Þú getur beðið okkur um upplýsingar um þetta matspróf með því að nota samskiptaupplýsingarnar í hluta 12.
3.2. Við gætum unnið með persónuupplýsingar þínar þar sem þú hefur gefið samþykki þitt (sem þú getur dregið til baka hvenær sem er eftir að hafa gefið það, eins og lýst er að neðan), þar á meðal þegar:
(a) við notum sérstaka flokka gagna (eins og upplýsingar um heilsu og velferð) sem þú hefur afhent okkur þegar kannanir eða spurningalistar eru fylltir út eða þegar fyrirspurnir eru gerðar til þjónustuvers,
(b) við notum persónuupplýsingar þínar til að hafa samskipti við þriðja aðila varðandi pöntun þína, og
(c) við vinnum með persónuupplýsingar þínar við beina markaðssetningu.
3.3. Ef við reiðum okkur á samþykki þitt til að nota persónuupplýsingar þínar á ákveðinn hátt, en þú skiptir síðar um skoðun, getur þú hvenær sem er dregið samþykki þitt til baka með því að hafa samband við okkur á hello@simbasleep.com og við munum hætta því. Ef þú hins vegar dregur samþykki þitt til baka, getur það haft áhrif á hæfni okkar við að veita þér vörur og tengda þjónustu.
4.1. Við gætum deilt persónuupplýsingum þínum með aðildarfyrirtækjum okkar þar sem það eru okkar lögmætu hagsmunir vegna innri stjórnsýslu (til dæmis við að tryggja stöðuga og samfellda afhendingu til viðskiptavina okkar á vörum okkar og tengdri þjónustu, fyrirtækjastefnu, fylgni, endurskoðun og vöktun, rannsóknir og þróun og gæðastjórnun).
4.2. Við munum deila persónuupplýsingum þínum með eftirtöldum þriðju aðilum eða flokkum þriðju aðila:
(a) Shopify sem veitir verkvang fyrir netverslanir okkar, sem gerir þér kleift að gera pantanir og greiða fyrir vörur og þjónustu á vefsvæði okkar. Shopify mun einnig deila persónuupplýsingum þínum með okkur,
(b) Riskify sem veitir áhættumat í rafrænni verslun. Við munum áframsenda upplýsingar eins og nafn þitt og heimilisfang viðskiptavina okkar til Riskify áður en við ljúkum við pöntun þína. Þetta hjálpar okkur við að draga úr svikum,
(c) Dæmi um verkvang fyrir viðskiptaþjónustu, tæknilega aðstoð og gagnagreiningu eru Amazon Redshift, Looker og Genesis. Þessir birgjar munu einnig deila persónuupplýsingum þínum með okkur, þar á meðal þegar þú hefur samband við Simba með fyrirspurnir eða kvartanir,
(d) Veitendum viðskiptaþjónustu í þjónustubeiðnastjórnun eins og Zendesk. Þessir birgjar munu einnig deila persónuupplýsingum þínum með okkur,
(e) Google og öðrum veitum gagnagreiningar og leitarvéla sem aðstoða okkur við að endurbæta og hámarka þjónustu okkar og vefsvæði,
(f) Emarsys og öðrum þjónustuveitum sem aðstoða okkur við markaðssetningu, auglýsingar og kynningar, og
(g) öðrum þjónustuveitum og undirverktökum, þar á meðal en takmarkast ekki við veitendur CRM-verkvangs, greiðsluúrvinnsluaðilar, vöruhús, geymslu- og birgðastjórnunaraðilar og skýþjónustuveitur.
4.3. Geta allra þriðju aðila sem við deilum persónuupplýsingum þínum með er takmörkuð (samkvæmt lögum og samningum), hvað það varðar að nota persónuupplýsingar í öðrum tilgangi en þeim að veita okkur þjónustu. Við munum ávallt tryggja að allir þriðju aðilar sem við deilum persónuupplýsingum þínum með séu bundnir af skyldum er varða persónuvernd og öryggi sem samræmast þessari persónuverndarstefnu og gildandi lögum.
4.4. Við munum einnig afhenda persónuupplýsingar þínar þriðju aðilum:
(a) þegar það eru okkar lögmætu hagsmunir að gera það til að reka, stækka og þróa rekstur okkar:
(i) ef við seljum eða kaupum eitthvert fyrirtæki eða eignir, gætum við afhent mögulegum seljanda eða kaupanda slíks fyrirtækis eða eignar persónuupplýsingar þínar:
(ii) ef mögulega allar eða einhverjar eignir dótturfyrirtækja Simba eru keyptar af þriðja aðila, en í slíkum tilvikum myndu persónuupplýsingar sem eru í höndum Simba vera á meðal yfirfærðra eigna,
(b) ef við erum bundin skyldu til að afhenda eða deila persónuupplýsingum þínum til að uppfylla ákveðnar lagalegar skyldur, ákveðnar lagalegar beiðnir frá opinberum stofnunum eða löggæsluaðilum og getum verið krafin um að uppfylla kröfur landslaga eða löggæslu eða koma í veg fyrir ólöglegt athæfi,
(c) til að framfylgja eða beita skilmálum okkar og skilyrðum eða hvaða öðrum samningi sem er eða bregðast við ákveðnum kröfum, að verja réttindi okkar eða réttindi þriðja aðila, að vernda öryggi nokkurs einstaklings eða koma í veg fyrir nokkurs konar ólöglegt athæfi, eða
(d) að vernda réttindi, eignir eða öryggi Simba, starfsfólks okkar, viðskiptavina eða annarra einstaklinga. Í þessu getur falist að skiptast á persónuupplýsingum við önnur fyrirtæki til að koma í veg fyrir svik og draga úr útlánaáhættu.
4.5. Við gætum einnig afhent og notað nafnlausar, safnvistaðar skýrslur og tölfræðigögn um notendur vefsvæðis okkar eða vörur og þjónustu fyrir innri skýrslugerð eða skýrslugerð til aðildarfyrirtækja okkar eða annarra þriðju aðila, og fyrir markaðssetningu og kynningu. Engin af þessum nafnlausu, safnvistuðu skýrslum eða tölfræðigögnum mun gera það kleift að bera kennsl á notendur okkar.
4.6. Að undanskildu því sem tilgreint er sérstaklega að ofan, munum við aldrei deila, selja eða leigja neinar af persónuupplýsingum þínum neinum þriðja aðila án þess að tilkynna þér um það og, þar sem þörf krefur, fá samþykki þitt. Ef þú hefur gefið samþykki þitt fyrir því að við notum persónuupplýsingar þínar á ákveðinn hátt, en skiptir síðar um skoðun, ættir þú hafa samband við okkur og við munum hætta því.
5.1. Við munum ekki halda persónuupplýsingum þínum lengur en nauðsynlegt er í þeim tilgangi sem úrvinnsla á persónuupplýsingunum fer fram. Sá tími sem við varðveitum persónuupplýsingar fer eftir þeim tilgangi sem þeim var safnað og þær notaðar og/eða eins og nauðsynlegt er til að uppfylla gildandi lög og til að stofnsetja, beita eða vernda lagaleg réttindi okkar.
5.2. Í töflunni að neðan sést hversu lengi við geymum sumar af persónuupplýsingum þínum.
Gagnagerð |
Hámarkstími |
|
Gestir á vefsvæði okkar (sem stofna pöntun en fara úr innkaupakörfu sinni): Gögn sem safnað er í greiðsluferlinu á vefsvæði Simba þegar mögulegir viðskiptavinir ljúka ekki greiðsluferlinu. Sjá hluta 2.1 til að fá frekari upplýsingar. |
30 dagar |
|
Viðskiptavinir: Gögn sem safnað er í greiðsluferlinu á vefsvæði Simba þegar netkaupum er lokið. Sjá hluta 2.2 að ofan til að fá frekari upplýsingar. |
10 ár |
|
Fólk sem hefur samband við okkur með fyrirspurnir: Gögn sem viðskiptavinir afhenda þegar þeir senda fyrirspurnir til þjónustuvers eða tækniaðstoðar Simba. Sjá hluta 2.3 til að fá frekari upplýsingar. |
2 ár |
|
Gögn í svefnrannsóknum: Gögn sem safnað er frá viðskiptavinum sem taka þátt í könnun eða spurningalista sem gefinn er út af Simba í kjölfar kaupa, sem geta falið í sér upplýsingar er tengjast heilsufari. |
12 mánuðir |
6.1. Þú hefur ákveðin réttindi í tengslum við persónuupplýsingar þínar. Ef þú vilt fá frekari upplýsingar í tengslum við þau eða vilt beita þeim, vinsamlegast hafðu samband við okkur á hello@simbasleep.com hvenær sem er. Þú hefur eftirtalin réttindi:
(a) Réttur til aðgangs. Þú hefur réttindi til aðgangs að öllum persónuupplýsingum sem við höfum um þig. Þú getur beðið okkur um afrit af persónuupplýsingum þínum, staðfestingu á því að við séum að nota persónuupplýsingar þínar, upplýsingar um hvernig og hvers vegna verið er að nota þær og upplýsingar um hvaða öryggisráðstafanir eru til staðar ef við flytjum upplýsingar þínar út fyrir Evrópska efnahagssvæðið ("EEA").
(b) Réttindi til að uppfæra upplýsingar þínar. Þú hefur réttindi til að biðja um uppfærslu á einhverjum af persónuupplýsingum þínum sem eru úreltar eða rangar.
(c) Réttindi til að eyða upplýsingum þínum. Þú hefur rétt til að biðja okkur um að eyða hverjum þeim persónuupplýsingum sem við höfum um þig, við ákveðnar tilteknar aðstæður. Þú getur beðið okkur um frekari upplýsingar um þessar tilteknu aðstæður með því að hafa samband við okkur með samskiptaupplýsingunum í hluta 12 .
Við munum koma beiðni þinni áfram á aðra viðtakendur persónuupplýsinga þinna nema að það sé ómögulegt eða feli í sér óeðlilega mikla fyrirhöfn. Þú getur spurt okkur hverjir viðtakendurnir eru með samskiptaupplýsingunum í hluta 12 .
(d) Réttindi til að takmarka notkun á upplýsingum þínum: Þú hefur rétt til að biðja okkur um að takmarka hvernig við vinnum með persónuupplýsingar þínar, við ákveðnar tilteknar aðstæður. Þú getur beðið okkur um frekari upplýsingar um þessar tilteknu aðstæður með því að hafa samband við okkur með samskiptaupplýsingunum í hluta 12 .
Við munum koma beiðni þinni áfram á aðra viðtakendur persónuupplýsinga þinna nema að það sé ómögulegt eða feli í sér óeðlilega fyrirhöfn. Þú getur spurt okkur hverjir viðtakendurnir eru með samningsupplýsingunum í hluta 12 .
(e) Réttindi til að stöðva markaðssetningu: Þú hefur rétt til að biðja okkur um að hætta að nota persónuupplýsingar þínar til beinnar markaðssetningar. Ef þú beitir þessum réttindum munum við hætta að nota persónuupplýsingar þínar í þessum tilgangi.
(f) Réttindi til færanleika gagna: Þú hefur rétt til að biðja okkur um að afhenda persónuupplýsingar þínar þjónustuveitu þriðja aðila.
Þessi réttur á aðeins við þegar við notum persónuupplýsingar þínar á grundvelli samþykkis þíns eða framfylgdar á samningi og þar sem sem notkun okkar á upplýsingum þínum er framkvæmd á sjálfvirkan hátt.
(g) Réttur til að mótmæla. Þú hefur rétt til að biðja okkur um að íhuga öll réttmæt andmæli sem þú hefur gegn notkun okkar á persónuupplýsingum þínum, þegar við vinnum með persónuupplýsingar þínar á grundvelli lögmætra hagsmuna okkar, eða annars einstaklings.
6.2. Við munum íhuga allar slíkar beiðnir og svara þér innan sanngjarns tíma (og hvað sem öðru líður innan eins mánaðar frá beiðni þinni, nema við tilkynnum þér að við þurfum lengri tíma í samræmi við gildandi lög). Vinsamlegast athugaðu hins vegar að ákveðnar persónuupplýsingar geta verið undanþegnar slíkum beiðnum við ákveðnar aðstæður, til dæmis ef við þurfum að halda áfram að nota upplýsingarnar til að uppfylla lagalegar skyldur okkar eða til að stofnsetja, beita eða vernda lagalegar kröfur.
6.3. Ef undanþága á við, munum við segja þér það þegar við svörum beiðni þinni. Við gætum beðið þig um að veita okkur upplýsingar sem eru nauðsynlegar svo hægt sé að staðfesta hver þú ert áður en við bregðumst við beiðnum sem þú hefur sent.
7.1. Við gætum safnað og notað persónuupplýsingar þínar við markaðssetningu með tölvupósti, síma eða pósti.
7.2. Við gætum sent þér ákveðin markaðsskilaboð (til dæmis samskipti vegna rafrænnar markaðssetningar til núverandi viðskiptavina) ef það eru okkar lögmætu hagsmunir að gera það í tilgangi markaðssetningar og viðskiptaþróunar.
7.3. Hins vegar munum við ávallt afla samþykkis frá þér fyrir beinum markaðssetningarsamskiptum þar sem þess er krafist af lögum og ef við hyggjumst afhenda persónuupplýsingar þínar nokkrum þriðja aðila fyrir slíka markaðssetningu.
7.4. Ef þú vilt ekki lengur fá slík markaðssamskipti, getur þú haft samband við okkur með tölvupósti á hello@simbasleep.com.
8. Hvert við kunnum að flytja persónuupplýsingar þínar
8.1. Persónuupplýsingar þínar gætu verið notaðar eða geymdar utan EES og/eða aðgangur verið utan EES fyrir starfsfólk sem vinnur fyrir okkur, aðra meðlimi aðildarfyrirtækja, samstarfsaðila þriðja aðila eða birgja. Frekari upplýsingar um hverjum persónuupplýsingar þínar gætu verið afhentar eru í hluta 4.
8.2. Ef við afhendum einhverjum persónuupplýsingar um þig sem er meðlimur aðildarfyrirtækis eða þriðja aðila utan EES, munum við grípa til viðeigandi ráðstafana til að tryggja að viðtakandinn verndi persónuupplýsingar þínar á viðunandi hátt sem er í samræmi við þessa persónuverndarstefnu. Þessar ráðstafanir geta falið í sér eftirfarandi sem leyft er í greinum 45 og 46 í almennu persónuverndarreglugerðinni:
(A) þegar um er að ræða lögaðila innan Bandaríkjanna, að gera við þá staðlaða samninga sem samþykktir eru af framkvæmdastjórn Evrópusambandsins eða að tryggja að þeir hafi skrifað undir friðhelgisamkomulagið milli Evrópusambandsins og Bandaríkjanna (sjá nánar https://www.privacyshield.gov/welcome), eða
(B) þegar um er að ræða lögaðila í öðrum löndum utan EES, að gera staðlaða samninga við þá sem samþykktir eru af framkvæmdastjórn Evrópusambandsins.
8.3. Þú getur fengið meiri upplýsingar um þær ráðstafanir sem við grípum til í því skyni að vernda persónuupplýsingar þínar, í þessu tilviki samkvæmt beiðni með því að senda okkur tölvupóst á hello@simbasleep.com hvenær sem er.
9.1. Helsta áhættan við úrvinnslu okkar á persónuupplýsingum þínum er ef þær tapast, þeim er stolið eða þær misnotaðar. Það gæti leitt til þess að persónuupplýsingar þínar lendi í höndum einhverra sem gætu notað þær í sviksamlegum tilgangi eða gera upplýsingar um þig opinberar sem þú myndir kjósa að væru ekki á allra vitorði.
9.2. Af þessum sökum leggur Simba mikla áherslu á að vernda persónuupplýsingar þínar gegn tjóni, stuldi og misnotkun. Við gerum öll viðeigandi ráðstafanir til að gæta öryggis og trúnaðar persónuupplýsinga þinna, þar á meðal með notkun viðeigandi skipulagslegra og tæknilegra aðferða. Skipulagslegar aðferðir eru til dæmis raunlægar aðgangsstýringar að húsakynnum okkar, innleiðing á innri stefnum og starfsmannaþjálfun og að tryggja að trúnaðarskyldur séu lagðar á starfsfólk okkar og þriðju aðila. Tæknilegar aðferðir eru til dæmis að krefjast aðgangsorða fyrir aðgang að kerfum okkar og, þar sem mögulegt er, fjölþátta sannvottun, notkun dulkóðunar og vírusvarnahugbúnaðar og röklegur aðskilnaður gagna.
9.3. Okkar öruggi vefþjónahugbúnaður dulkóðar upplýsingar og tryggir að samskipti á netinu séu í trúnaði og varin. Simba notast við öryggissasamskiptareglu sem kallast "SSL3".
9.4. Við afhendingu á persónuupplýsingum þínum til okkar, geta persónuupplýsingar verið sendar yfir internetið. Þrátt fyrir að við gerum allt sem í okkar valdi stendur til að vernda þær persónuupplýsingar sem þú afhendir okkur, er sending upplýsinga yfir internetið ekki algjörlega örugg. Með það í huga viðurkennir þú og samþykkir að við getum ekki ábyrgst öryggi persónuupplýsinga þinna sem sendar eru vefsvæði okkar og að öll slík sending sé á þína eigin ábyrgð. Þegar við höfum móttekið persónuupplýsingar þínar munum við notast við strangt verklag og öryggisvirkni til að fyrirbyggja óheimilan aðgang að þeim.
Vefsvæði okkar gæti innihaldið veftengla á önnur vefsvæði sem ekki eru starfrækt af okkur. Þessir veftenglar eru aðeins þér til hægðarauka og þæginda og gefa ekki til kynna neinn stuðning við athafnir slíkra vefsvæða þriðju aðila eða nein tengsl við stjórnendur þeirra. Þessi persónuverndarstefna á aðeins við um persónuupplýsingar sem við söfnum eða sem við fáum frá veitum þriðju aðila og við getum ekki borið ábyrgð á persónuupplýsingum um þig sem er safnað og geymdar af þriðju aðilum. Vefsvæði þriðju aðila hafa sína eigin skilmála, skilyrði og persónuverndarstefnur og þú ættir að lesa þær vandlega áður en þú sendir nokkrar persónuupplýsingar til þessara vefsvæða. Við föllumst ekki né á annan hátt samþykkjum neina ábyrgð eða skaðabótaskyldu vegna innihalds slíkra vefsvæða þriðju aðila eða skilmála, skilyrða eða stefna þriðju aðila.
Við gætum uppfært persónuverndarstefnu okkar öðru hverju. Allar breytingar sem við gerum á persónuverndarstefnu okkar í framtíðinni verða birtar á þessari síðu og, þar sem við á, þér tilkynnt um þær með pósti eða tölvupósti. Vinsamlegast komdu reglulega aftur til að sjá hvort einhverjar uppfærslur eða breytingar hafa verið gerðar á persónuverndarstefnu okkar.
12.1. Ef þú hefur einhverjar spurningar eða kvartanir um söfnun, notkun eða geymslu okkar á persónuupplýsingum þínum, eða þú vilt beita einhverjum af réttindum þínum í tengslum við persónuupplýsingar þínar, vinsamlegast hafðu samband við hello@simbasleep.com. Við munum rannsaka og reyna að leysa úr öllum slíkum kvörtunum eða ágreiningi er varðar notkun eða afhendingu á persónuupplýsingum þínum.
12.2. Í samræmi við grein 77 í almennu persónuverndarreglugerðinni, getur þú einnig lagt fram kvörtun til skrifstofu persónuverndar eða persónuverndaryfirvalda í því landi sem þú býrð eða starfar vanalega í, eða þegar meint brot á almennu persónuverndarreglugerðinni hefur átt sér stað. Einnig getur þú leitað til dómstóla ef þú telur að réttindi þín hafi verið brotin.
Verklag það sem lýst er í þessari persónuverndarstefnu er gildandi frá og með 21/05/2018.